12.10.2026 | 11:22
ԻՀՊԿ-ն հայտարարել է, որ Հորմուզի նեղուցում ականին բախվելու հետևանքով նավթային լցանավ է շհրդեհվել
Մայա Սանդուն ընտրվել է Մոլդովայի նախագահ. Ինտերֆաքս
Քաղաքականություն
16.11.2020 | 10:45
Մոլդովայի նախկին վարչապետ, ընդդիմադիր «Գործողություն և համերաշխություն» կուսակցության ղեկավար Մայա Սանդուն հաղթել է երկրում կիրակի օրը գրանցված նախագահական ընտրությունների երկրորդ փուլում։ Այս մասին են վկայում երկրի ԿԸՀ-ի կողմից գիշերը հրապարակված տվյաները, հայտնում է Ինտերֆաքսը։
Ընտրատեղամասերի 98%-ի քվեների հաշվարկից հետո Սանդուն ստացել է ընտրողների ձայների 54% -ը, իսկ նրա մրցակից, երկրի գործող նախագահ Իգոր Դոդոնը՝ 46%-ը։ Նրանց միջև տարբերությունը կազմել է 115 հազար ձայն. գրեթե 800 հազար ընտրող աջակցել է Սանդուին, 685 հազարը ձայն է տվել Դոդոնին։
Չնայած Դոդոն Մերձդնեստրում ստացել է ընտրողների քվեների 85,8%-ը, սակայն սա չի ազդել ուժերի ընդհանուր դասավորության վրա։
Մայա Սանդուն շնորհակալություն է հայտնել իր ընտրողներին։ Նա խոստացել է միավորել ընտրությունների ընթացքում պառակտված հանրությանն ու լուծել տնտեսական խնդիրները։
Հիշեցնենք, որ նախագահական ընտրությունների առաջին փուլը Մոլդովայում կայացել էր նոյեմբերի 1-ին: «Գործողություն և համերաշխություն» կուսակցության առաջնորդ Մայա Սանդուն հավաքել էր ձայների 36,1 տոկոսը, իսկ երկրի գործող ղեկավար Իգոր Դոդոնը՝ 32,6 տոկոս:
Տաթև Ֆռանգյան
