Թբիլիսիում ընդդիմությունը կրկին բողոքի ակցիա է անցկացնում խորհրդարանական ընտրությունների արդյունքները չեղարկելու պահանջով

Վրաստանում ընդդիմությունը հոկտեմբերի 31-ին անցկացված խորհրդարանական ընտրությունների արդյունքները չեղարկելու պահանջով հերթական բողոքի ակցիան է անցկացնում Թբիլիսիում :Այս մասին հաղորդում է ՏԱՍՍ-ը:

«Ինչքան էլ ցուցարարներին ցրեն, միևնույն է մենք շարունակելու են հավաքվել»,- ասել է ընդիիմության առաջնորդներից Նիկա Մելիյան:

Բողոքի ակցիան մեկնարկել է տեղի ժամանակով ժամը 15-ին: Մինչ այդ «Միասնական ազգային շարժում» և «Եվրոպական Վրաստան՝ շարժում հանուն ազատության» ընդդիմադիր կուսակցությունների ներկայացուցիչները երթով շարժվել են դեպի խորհրդարանի շենք: Նրանք փակել են Ռուսթավելի փողոցը, որտեղ գտնվում է խորհրդարանը:

Միևնույն ժամանակ այսօր Վրաստանում ԱՄՆ դեսպանատանը իշխող «Վրացական երազանք» կուսակցության և ընդդիմության ներկայացուցիչները, ճգնաժամից դուրս գալու, բանակցությունների հերթական փուլն են անցկացրել: Հանդիպումը մեկնարկել է բողոքի ակցիայից ժամեր առաջ, բայց ավարտվել է անարդյունք: Կողմերը պայմանավորվել են ևս մեկ հանդիպում անցկացնելու մասին:

Ընդդիմությունը խորհրդարանական ընտրությունների արդյունքների դեմ բողոքի ակցիաներ է անցկացնում նոյեմբերի 8-ից:

Վրաստանում մեծամասնական ընտրակարգով ընտրությունների երկրորդ փուլը տեղի կունենա նոյեմբերի 21-ին՝17 ընտրատարածքներում:ԿԸՀ-ը քննարկել է ընդդիմության և Վրաստանի երիտասարդ իրավաբանների միության բողոքները՝ շրջանային հանձնաժողովների ամփոփ արձանագրությունների վերաբերյալ և ոչ մեկը չի բավարարել: Հիշեցնենք, որ Վրաստանում խորհրդարանական ընտրությունները տեղի են ունեցել հոկտեմբերի 31-ին: Խորհրդարանի 150 մանդատի համար պայքարում էր 48 կուսակցություն և 2 դաշինք: Առաջատարը եղել է «Վրացական երազանք» կուսակցությունը: