08.11.2024 | 11:32
Գյումրու ավագանու նիստը հետաձգվել Է. քվորում չկա․ ՏԵՍԱՆՅՈՒԹ
ԵՄ անդամ երկրները մտադիր են ահաբեկչության դեմ պայքարում ընդլայնել տվյալների փոխանակումը․ DW
Քաղաքականություն
13.11.2020 | 18:17
Եվրամիության ներքին գործերի նախարարները, Վիեննայում, Փարիզում, Նիսում և Դրեզդենում վերջերս տեղի ունեցած ահաբեկչությունների ֆոնին, մտադիր են ուժեղացնել ահաբեկչության դեմ պայքարում գործողությունների համակարգումը ՝ տվյալների փոխանակման հետագա ընդլայնմամբ: Այս մասին հայտնել է DW-ի ռուսական ծառայությունը։
«Իրավասու մարմինների թվային տվյալների հասանելիությունը, որը կարևոր է ահաբեկչությունների կանխարգելման և խափանման համար, պետք է ապահովվի և բարելավվի»,- ասվում է այսօր Բրյուսելում կայացած խորհրդաժողովից հետո նախարարների համատեղ հայտարարության նախագծում:
Ահաբեկչության դեմ պայքարին վերաբերող տեղեկությունները պետք է մուտքագրվեն տվյալների համակարգ, ընդգծվում է փաստաթղթի նախագծում: Դրանում նշվում է նաև, որ անհրաժեշտ է պայքարել կրոնական ծայրահեղականության արմատների դեմ, մասնավորապես ՝ ապահովել, որ իսլամական հոգևորականների ուսուցումը հնարավորության դեպքում իրականացվի Եվրամիության տարածքում:
Տաթև Ֆռանգյան
