18.11.2024 | 20:30
«Քաղաքական մատաղ»` գալիք ընտրություններին ընդառաջ. ՔՊ-ականները նշում են պաշտոնանկությունների պատճառները․ ՏԵՍԱՆՅՈՒԹ
Ռուս խաղաղապահների քանի դիտակետ է տեղակայվել Լեռնային Ղարաբաղի շփման գծի երկայնքով. ՌԴ ՊՆ
Քաղաքականություն
13.11.2020 | 13:22
ՌԴ ԶՈՒ 15-րդ առանձին խաղաղապահ բրիգադի ստորաբաժանումների շարասյունը Գորիսից շարժվել է Ստեփանակերտ, հայտնում է ՌԴ ՊՆ-ն։
Շարասյունը ներառում է զրահափոխադրիչներ, ավտոմոբիլային և նյութատեխնիկական ապահովման միջոցներ, որոնք ավելի վաղ Ռուսաստանի Դաշնությունից «Իլ -76» ռազմական տրանսպորտային օդանավերով հասցվել էին «Էրեբունի» օդանավակայան:
Խաղաղապահ բրիգադի առաջատար ստորաբաժանումները 4 դիտակետ են տեղակայել «Հարավ» պատասխանատվության գոտում: Խաղաղապահ զորամասերի ստորաբաժանումները վերահսկողություն են հաստատում Լաչինի միջանցքում և Լաչինի ճանապարհի մի հատվածում՝ 6 ժամանակավոր դիտակետերի տեղակայմամբ։
Ընդհանուր առմամբ, Լեռնային Ղարաբաղի շփման գծի երկայնքով և Լաչինի միջանցքում տեղակայվել է 10 դիտակետ:
Տաթև Ֆռանգյան
