19.01.2026 | 21:12
Մահացել է հագուստի դիզայներ Վալենտինո Գարավանին՝ Valentino նորաձևության տան հիմնադիրը
Փորձագետներն ԱՄՆ ընտրություններում մանիպուլյացիաների դեպքեր չեն գտել․ DW
Քաղաքականություն
13.11.2020 | 13:34
Նոյեմբերի 3-ին ԱՄՆ-ում տեղի ունեցած համընդհանուր ընտրություններում փորձագետները քվեների մանիպուլյացիայի փաստեր չեն գտել: Ավելին, Միացյալ Նահանգների կիբերանվտանգության և ենթակառուցվածքների անվտանգության գործակալությունը նոյեմբերի 12-ին հայտարարել է, որ քվեարկությունը դարձել է ԱՄՆ պատմության մեջ ամենապաշտպանվածը։ Հայտարարության տակ ստորագրել են նաև ձայների հաշվարկի համար տեխնոլոգիական սարքավորումներ տրամադրող մի շարք ընկերություններ, գրում է DW-ի ռուսական ծառայությունը:
«Մենք լիովին վստահ ենք մեր ընտրությունների պաշտպանվածության ու արդարացիության հարցում»,- ասվում է հայտարարությունում։
Փորձագետները տեղյակ են «բազում անհիմն պնդումների և ապատեղեկատվության հնարավորությունների» գոյության մասին:
Նկատենք, որ ԱՄՆ գործող նախագահ Դոնալդ Թրամփը մեկ անգամ չէ, որ հայտարարել է հօգուտ իր մրցակցի՝ Դեմոկրատական կուսակցության թեկնածու Ջոզեֆ Բայդենի «ձայներ գողանալու» մասին։ Սակայն Սպիտակ տան ղեկավարը ոչ մի փաստով չի հաստատել իր հայտարարությունները։
Հիշեցնենք՝ դեմոկրատ Բայդենը, համաձայն ամերիկյան առաջատար ԶԼՄ-ների, նախագահական ընտրություններում ստացել է բավարար քվեներ՝ հանրապետական Թրամփին հաղթելու համար։ Սպիտակ տան գործող ղեկավարը չի ընդունում իր պարտությունն ու փորձում է վիճարկել քվեարկության արդյունքները։
Տաթև Ֆռանգյան
