09.02.2026 | 23:09
V-BAT հետախուզական ԱԹՍ-ը՝ Հայաստանում. Պապիկյանը՝ ՀՀ-ԱՄՆ համագործակցության մեկնարկի մասին
Իսրայելը հրթիռակոծել է Սիրիայում իրանամետ զինյալների դիրքերը
Քաղաքականություն
12.11.2020 | 18:29
Այսօր հրթիռային մի քանի հարվածներ են հասցվել Սիրիայի հյուսիսային Ռաքքա նահանգում իրանամետ զինված խմբավորումների դիրքերի ուղղությամբ: Այս մասին հայտնում է ՏԱՍՍ-ը՝ վկայակոչելով «Al-Hadath» հեռուստաալիքը:
Տեղեկությունների համաձայն՝ հարձակման է ենթարկվել «Հըզբալլահ»-ի ճամբարը, որը տեղակայված է Մաադան Աթիկ անապատի տարածքում:
Նշվում է, որ ճամբարը ենթարկվել է իսրայելական օդուժի հարձակմանը: Կորուստների և նյութական վնասի մասին տեղեկություններ դեռ չեն հաղորդվել:
Ըստ Al-Hadath-ի՝ հոկտեմբերին իսրայելական օդանավերը գրոհել էին Գոլանի բարձունքներում գտնվող Կունեյտրա նահանգի կենտրոնից հյուսիս գտնվող Հուրրիա շրջանի շիաների դիրքերը: Սեպտեմբերի 14-ին էլ հարձակման էր ենթարկվել Իրաքի սահմանային Բու Քեմալ քաղաքին հարող Թալաթաթ շրջանը: Գրոհի արդյունքում զոհվել էր առնվազն 10 շիա զինյալ և ոչնչացվել էին զինամթերքի պահեստներ:
Տաթև Ֆռանգյան
