19.01.2026 | 19:51
Հայ-թուրքական սահմանի բացման նոր ժամկետ․ Ռուբինյանը ոչ հերքում է, ոչ հաստատում. ՏԵՍԱՆՅՈՒԹ
Մենք հասնելու ենք մեր նպատակներին խաղաղ, անցնցում, սահմանադրական ճանապարհով․ Ռուստամյան. ՏԵՍԱՆՅՈՒԹ
Քաղաքականություն
12.11.2020 | 17:44
Պատմական մեծ հարված ենք ստացել. մեր պետական և ազգային ողնաշարին մեծ հարված է հասցվել: Էս վիճակի մեջ առաջնահերթ խնդիրը այնպիսի դերակատար առաջ բերելն է, այնպիսի մարդու, ով կարողանա այս վիճակից լավագույն ելքերը գտնել: Լրագրողների հետ զրույցում ասաց ՀՅԴ անդամ, նախկին պատգամավոր Արմեն Ռուստամյանը:
Անդրադառնալով հարցին, թե ով կարող է լինել այդ անձը, Ռուտամյանը պատասխանեց. «Հայ ժողովրդի արգանդը չի չորացել: Երբ ասում են ով, մեզ փորձում են վիրավորել, ի՞նչ է նշանակում՝ ով: Այդ անունները կգտնվեն: Բոլորն էլ իրենց ամբիցիաները մի կողմ պետք է դնեն ու համաձայնեն կոնկրետ մի անձի շուրջ, ով կարող է համախմբել այս ազգը: Իսկ որ կարող ենք գտնել այդ անձին՝ չեմ կասկածում: Նա կամիկաձեի պես գալու է այս ծանր բեռի տակ մտնի: Էդ որ ասում են իշխանության են ձգտում, էս ավերած վիճակի վրա ո՞վ կձգտի իշխանության, դուք պատկերացնու՞մ եք էդ մարդու պատասխանտվությունը… Մենք հասնելու ենք մեր նպատակներին խաղաղ, անցնցում, սահմանադրական ճանապարհով»,- նշեց Ռուսատամյանը:
