28.08.2026 | 10:33
Եվրոպա լիգա. «Արարատ-Արմենիան» վիճակահանության 4-րդ զամբյուղում է
Եվրամիությունը Բելառուսի վերջին քայլերն անընդունելի է որակել․ Մինսկում ԵՄ ներկայացուցչություն
Քաղաքականություն
12.11.2020 | 19:03
Բելառուսից բրիտանացի երկու դիվանագետների վտարումն անթույլատրելի քայլ է, որ ձեռնարկել է պաշտոնական Մինսկը։ Այս մասին ասվում է Բելառուսում Եվրամիության ներկայացուցչության հայտարարությունում։
«Բրիտանացի երկու դիվանագետների արտաքսումը Բելառուսի իշխանությունների հերթական՝ զայրույթ հարուցող և անընդունելի քայլն է: Այս քայլին նախորդել էր անցած ամիս հնչեցված «խնդրանքը», որպեսզի Լեհաստանը և Լիտվան հետ կանչեն իրենց դեսպաններին և կտրուկ սահմանափակեն իրենց դիվանագիտական ներկայությունը Բելառուսում»,- ասվում է հայտարարությունում:
Նշվում է, որ «այդ գործողություններն է՛լ ավելի են մեկուսացնում Բելառուսի իշխանություններին և չեն նպաստում բաց կապի ուղիների պահպանմանը»:
Միևնույն ժամանակ, ԵՄ ներկայացուցչությունում անհիմն են որակել Բելառուսի իշխանությունների՝ դիվանագետների արտաքսման պատճառաբանությունները։
Տաթև Ֆռանգյան
