19.01.2026 | 11:33
Նորբերտո Բալեկյանը տեղափոխվել է «Բարակաս Սենտրալ»
ՌԴ-ն Գերմանիայի ու Ֆրանսիայի դեմ պատժամիջոցներ է կիրառել
Քաղաքականություն
12.11.2020 | 19:39
Ռուսաստանը պատասխան պատժամիջոցներ է կիրառել ընդդեմ Եվրամիության՝ Ալեքսեյ Նավալնիի հետ կապված միջադեպի պատճառով։ Այս մասին հայտարարել է ՌԴ արտգործնախարար Սերգեյ Լավրովը, փոխանցում է ՌԻԱ Նովոստին։
«Քանզի Նավալնիի հետ կապված Եվրամիության պատժամիջոցներն անմիջականորեն վերաբերում են ՌԴ նախագահի վարչակազմի ղեկավար կազմին, մեր պատասխան պատժամիջոցները կլինեն հայելային։ Դրանք արդեն ընդունված են, այդ մասին մենք շուտով կհայտնենք մեր գերմանացի ու ֆրանսիացի գործընկերներին»,- պարզաբանել է ՌԴ արտգործնախարարը։
Լավրովը նշել է նաև, որ Բեռլինի պահվածքը Նավալնիի հետ կապված իրավիճակում անընդունելի է և հակասում է միջազգային պարտավորություններին:
«Մենք տեսնում ենք, թե ինչպես է Գերմանիան ստանձնում Ռուսաստանի Դաշնության հետ հարաբերություններում նոր սրացման առաջնորդի դերը: Մեզ սա անհանգստացնում է՝ հաշվի առնելով նաև այն գլոբալ դերակատարությունը, որը Գերմանիան խաղում է Եվրոպայում»,- ընդգծել է գերատեսչության ղեկավարը։
Տաթև Ֆռանգյան
