20.05.2026 | 14:55
Բոլորով գնացինք մեզ կարգեցինք ղեկավար, հիմա պետք է մեր սխալն ուղղենք. Դավիթ Անանյանը՝ քաղաքացուն. ՏԵՍԱՆՅՈՒԹ
Վլադիմիր Պուտինը հեռախոսազրույց է ունեցել Նիկոլ Փաշինյանի հետ
Քաղաքականություն
12.11.2020 | 15:42
ՌԴ նախագահ Վլադիմիր Պուտինը նոյեմբերի 11-ին հեռախոսազրույց է ունեցել ՀՀ վարչապետ Նիկոլ Փաշինյանի հետ, իսկ ՌԴ ԱԳ նախարար Սերգեյ Լավրովն այսօր առավոտյան զրուցել է Հայաստանի պաշտոնակից Զոհրաբ Մնացականյանի հետ:
«Մենք շփվում ենք մեր հայ գործընկերների հետ։ Երեկ նախագահ Պուտինը խոսել է վարչապետ Փաշինյանի հետ, ես այսօր խոսեցի ՀՀ արտգործնախարար Զոհրաբ Մնացականյանի հետ»,- ռուսական և արտասահմանյան լրատվամիջոցների մասնակցությամբ անցկացված առցանց ասուլիսում այս մասին հայտարարել է ՌԴ ԱԳՆ ղեկավարը:
Նա նշել է, որ չորեքշաբթի հեռախոսազրույց է ունեցել նաև Ադրբեջանի արտգործնախարար Ջեյհուն Բայրամովի հետ:
«Երեկ ես խոսեցի Ադրբեջանի արտգործնախարարի հետ, որը նույնպես հաստատել է իր հետաքրքրությունը՝ շարունակելու համագործակցությունը ԵԱՀԿ Մինսկի խմբի շրջանակում»,- ընդգծել է Լավրովը:
Տաթև Ֆռանգյան
