20.05.2026 | 18:19
ՌԴ-ն փորձում է մասշտաբայնացված Գյումրի-2 իրականացնել․ Ռուբեն Մեհրաբյան․ ՏԵՍԱՆՅՈՒԹ
ԵՄ-ն իրեն ապահովագրել է 300 միլիոն չափաբաժին հակակորոնավիրուսային պատվաստանյութով
Քաղաքականություն
11.11.2020 | 18:01
Եվրամիությունն իրեն ապահովագրել է 300 միլիոն չափաբաժին հակակորոնավիրուսային պատվաստանյութով, որն արտադրում են գերմանական BioNTech դեղագործական ընկերությունն ու ամերիկյան Pfizer-ը: Եվրահանձնաժողովը պայմանագիր է ստորագրել 200 միլիոն չափաբաժին պատվաստանյութի առաջին խմբաքանակի գնման մասին՝ ևս 100 միլիոն էլ հավելյալ գնելու պայմանով, գրում է DW-ի ռուսական ծառայությունը։
Գնված խմբաքանակի մատակարարումը, ենթադրաբար, կսկսվի այս տարեվերջին՝ պատվաստանյութի կլինիկական փորձարկումների հաջող ավարտի և դրա սերտիֆիկացման դեպքում:
Երկու օր առաջ BioNTech և Pfizer ընկերություններն առաջինն աշխարհում հայտարարեցին SARS-CoV-2 կորոնավիրուսի պատվաստանյութի փորձարկումների վճռական փուլի հաջող ավարտի մասին: Երկու ընկերություններն էլ հայտարարել են, որ իրենց պատվաստանյութն ավելի քան 90 տոկոս պաշտպանություն է ապահովում SARS COVID-19-ի դեմ:
Տաթև Ֆռանգյան
