10.06.2026 | 20:13
Վալերի Ծառուկյանը հեռացել է «Ախմատից»
Ամերիկյան Xilinx ընկերությունը կդադարեցնի թուրքական Roketsan հրթիռների մասերի մատակարարումը
Քաղաքականություն
11.11.2020 | 12:30
Ամերիկյան Xilinx ընկերությունը կդադարեցնի թուրքական Roketsan հրթիռների մասերի մատակարարումը, որոնք օգտագործվել են Ադրբեջանի կողմից հայերի դեմ ռազմական հանցագործությունների ժամանակ։ Մասնավորապես, ընկերության ներկայացուցիչ Թարա Սիմսը հայտարարություն է տարածել՝ ի պատասխան Ամերիկայի Հայ դատի հանձնախմբի (ANCA) հարցման, որում ասվում է, որ Xilinx-ի չիպերն օգտագործվել են հայ խաղաղ բնակչության դեմ օգտագործված ռազմական անօդաչու թռչող սարքերում:
«Վերջերս տեղեկացանք, որ Xilinx-ի չիպերն օգտագործվել են հայ խաղաղ բնակչության դեմ օգտագործված ռազմական անօդաչու թռչող սարքերում: Xilinx-ը խստորեն դատապարտում է այս բռնությունը և, որպես արդյունք, սկսել է համալիր մատակարարման շղթայի աուդիտ՝ պարզելու համար, թե ինչ գործողություններ կարող ենք ձեռնարկել, որպեսզի մեր տեխնոլոգիաները չօգտագործվեն այս բռնություններում:
Հետաքննությունից հետո մենք մեր լիազորված դիստրիբյուտորներին հանձնարարել ենք դադարեցնել մեր արտադրանքի հետագա մատակարարումը մի քանի ընկերությունների, որոնք, ինչպես պարզել ենք, կապված են այս սարքավորումների կառուցման հետ»,- նշել է Սիմսը:
Հավելենք, որ 7 ընկերություններ արդեն իսկ հրաժարվել են մատակարարել թուրքական UAV Bayraktar-ի սարքավորումները: Դրանք են՝ Garmin (ԱՄՆ), Trimble Navigation (ԱՄՆ), Vlasat (ԱՄՆ), Northrop Grumman (ԱՄՆ), Beringer Aero (ԱՄՆ, Միացյալ Թագավորություն), Rotax 912 (Ավստրիա, Կանադա) և Wescam (Կանադա) ընկերությունները:
Տաթև Ֆռանգյան
