02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
ԼՂ հարցով ցանկացած երկարաժամկետ համաձայնություն պետք է հաշվի առնի Հայաստանի շահերը․ Մակրոն
Քաղաքականություն
10.11.2020 | 17:45
Ֆրանսիայի նախագահ Էմանուել Մակրոնը նախազգուշացրել է Թուրքիային՝ պահանջելով դադարեցնել սադրանքները Լեռնային Ղարաբաղում։ Այս մասին գրում է Lenta-ն՝ վկայակոչելով Reuters-ը։
Նշվում է, որ Մակրոնն ուսումնասիրում է կրակի դադարեցման մասին ձեռք բերված համաձայնությունը, բայց ընդգծել է, որ ցանկացած երկարաժամկետ համաձայնություն պետք է հաշվի առնի Հայաստանի շահերը։
Իսկ Թուրքիան, Ֆրանսիայի նախագահի կարծիքով, պետք է զերծ մնա ցանկացած գործողություններից, որոնք կարող են սպառնալիքի տակ դնել համաձայնության ապագան։
Հիշեցնենք՝ երեկ ուշ երեկոյան Ռուսաստանի, Հայաստանի ու Ադրբեջանի ղեկավարները Լեռնային Ղարաբաղում հրադադարի վերաբերյալ համատեղ հայտարարությամբ են հանդես եկել։ Համաձայն այդ հայտարարության՝ Լեռնային Ղարաբաղում լիակատար հրադադարը սկսվում է նոյեմբերի 10-ից, Հայաստանն ու Ադրբեջանը մնում են իրենց զբաղեցրած դիրքերում, ինչպես նաև սկսվում է ռազմագերիների փոխանակում։ Լեռնային Ղարաբաղում տեղակայվում են ռուս խաղաղապահներ։
