19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ղարաբաղի շուրջ ձեռք բերված հրադադարի պայմանագիրը հիմնականում Մոսկվայի վաստակն է․ Կլիմով
Քաղաքականություն
10.11.2020 | 16:22
Լեռնային Ղարաբաղի շուրջ ձեռք բերված հրադադարի պայմանագիրը հիմնականում Մոսկվայի վաստակն է։ Նման կարծիք է հայտնել ՌԴ պետական ինքնիշխանության պաշտպանության Դաշնության խորհրդի հանձնաժողովի ղեկավար Անդրեյ Կլիմովը, գրում է ՌԻԱ Նովոստին:
«Լեռնային Ղարաբաղում եռակողմ հրադադարի մասին համաձայնագիրը հիմնականում Մոսկվայի վաստակն է», – հայտարարել է սենատորը «Ռոսիա 24» հեռուստաալիքի եթերում: Նա նաև նշել է, որ այս համաձայնագիրը ոչ մի կերպ չի ժխտում ԵԱՀԿ Մինսկի խմբի ջանքերը:
Կլիմովը հիշեցրել է, որ ավելի վաղ Ռուսաստանը, ԱՄՆ-ը և Ֆրանսիան ընդհանուր դիրքորոշում էին հայտնել Լեռնային Ղարաբաղում հրադադարի ռեժիմի անհրաժեշտության վերաբերյալ: Նա ուշադրություն է հրավիրել այն հանգամանքի վրա, որ ԱՄՆ-ը և Ֆրանսիան ՆԱՏՕ-ի անդամ են, ինչպես և Թուրքիան: Կլիմովը նաև չի բացառել, որ Անկարան «խորհում է, թե ինչ այլ բան կարելի է անել» ղարաբաղյան ուղղությամբ:
Սենատորն ընդգծել է, որ «ձեռք բերված եռակողմ համաձայնագիրը շատ լուրջ, տարողունակ, շատ յուրահատուկ փաստաթուղթ է, որը հնարավորություններ է ստեղծում իրավիճակի կարգավորման առումով հետագա քաղաքական և դիվանագիտական քայլերի համար»:
Տաթև Ֆռանգյան
