03.11.2026 | 15:10
Վանդալիզմ՝ Արաբկիրում ազատամարտիկների քանդակի նկատմամբ // Ակցիա՝ Հանրայինի քաղաքականության դեմ. ԼՈՒՐԵՐ
Ինչպես են ռուս խաղաղապահները տեղափոխվում Լեռնային Ղարաբաղ․ ԼՈՒՍԱՆԿԱՐՆԵՐ
Քաղաքականություն
10.11.2020 | 15:14
Նոյեմբերի 10-ի գիշերը Լեռնային Ղարաբաղում հրադադարի մասին ձեռք բերված պայմանավորվածությունների կետերից մեկը տարածաշրջանում ռուս խաղաղապահների տեղակայումն է։ Առաջին Իլ-76 բեռնատար ինքնաթիռները ռուս զինվորականներով ու տեխնիկայով արդեն թռել են Լեռնային Ղարաբաղ։ Ria.ru-ն հրապարակել է օդանավակայանից լուսանկարներ։
Ընդհանուր առմամբ 1960 զինծառայող, 90 զրահափոխադրիչ, 380 միավոր ավտոմեքենա և հատուկ տեխնիկայով խաղաղապահ զորակազմ կտեղակայվի ղարաբաղյան հակամարտության գոտում: Ռուս խաղաղապահների ստորաբաժանումների տեղափոխումը առաքելության կատարման տարածք իրականացվում է Իլ -76 ռազմական տրանսպորտային ինքնաթիռներով։
Հիշեցնենք՝ երեկ ուշ երեկոյան Ռուսաստանի, Հայաստանի ու Ադրբեջանի ղեկավարները Լեռնային Ղարաբաղում հրադադարի վերաբերյալ համատեղ հայտարարությամբ են հանդես եկել։ Համաձայն այդ հայտարարության՝ Լեռնային Ղարաբաղում լիակատար հրադադարը սկսվում է նոյեմբերի 10-ից, Հայաստանն ու Ադրբեջանը մնում են իրենց զբաղեցրած դիրքերում, ինչպես նաև սկսվում է ռազմագերիների փոխանակում։ Լեռնային Ղարաբաղում տեղակայվում են ռուս խաղաղապահներ։
Տաթև Ֆռանգյան
