12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Պուտինը հայտարարել է Սիրիայում միջազգային ահաբեկչության օջախը փաստացի ոչնչացնելու մասին
Քաղաքականություն
09.11.2020 | 15:47
Միջազգային ահաբեկչության օջախը Սիրիայում փաստացիորեն ոչնչացվել է: Այս մասին այսօր հայտարարել է ՌԴ նախագահ Վլադիմիր Պուտինը Սիրիայի նախագահ Բաշար Ասադի հետ տեսակապով բանակցությունների ժամանակ, ասվում է Կրեմլի պաշտոնական կայքում հրապարակված հաղորդագրությունում։
«Ռուսաստանը շարունակում է ակտիվ ջանքեր գործադրել՝ Սիրիայի Հանրապետությունում երկարաժամկետ կարգավորման խթանման, նրա ինքնիշխանության, անկախության, միասնության և տարածքային ամբողջականության վերականգնման համար»,- հայտարարել է Պուտինը։
Նա նշել է Աստանայի ձևաչափով իրականացված արդյունավետ աշխատանքի մասին՝ Իրանից և Թուրքիայից գործընկերների մասնակցությամբ:
«Համատեղ ջանքերով մենք կարողացանք շատ բանի հասնել։ Սիրիայում միջազգային ահաբեկչության օջախը փաստացիորեն վերացվել է, նկատելիորեն նվազել է նաև բռնության մակարդակը, հաստատվում է խաղաղ կյանք, ՄԱԿ-ի հովանու ներքո ընթանում է ներառական քաղաքական գործընթաց»,- հայտարարել է ՌԴ ղեկավարը:
Պուտինը շեշտել է, որ այս փուլում մեծ նշանակություն ունի նաև Սիրիայի հետկոնֆլիկտային վերակառուցումը և, առաջին հերթին, սիրիացի փախստականների և ներքին տեղահանվածների՝ իրենց տներ վերադարձը:
Տաթև Ֆռանգյան
