08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մեր համակարգում կրկնավարակի 343 դեպք է արձանագրվել. Արսեն Թորոսյան. ՏԵՍԱՆՅՈՒԹ
09.11.2020 | 12:26
Մինչ օրս մեր համակարգում արձանագրել են կրկնավարակի 343 դեպք՝ 107 հազար բուժվածներից: Այսօր լրագրողների հետ զրույցում այս մասին հայտնեց առողջապահության նախարար Արսեն Թորոսյանը։
Հարցին, թե հնարավո՞ր է դա ոչ լիարժեք բուժման հետևանք լինի, նախարարը պատասխանեց, որ հավանականությունը շատ փոքր է: «Դրանք եղել են դրական, հետո բացասական, հետո մեկ ամիս ինտերվալ առնվազն, հետո նորից դրական»,- ասաց Թորոսյանը:
Նախարարը նաև նշեց, որ համալիրի տարածքը հիվանդների համար օգտագործելը նպատակահարմար չէ: «Բուժանձնակազմի, թթվածնի առկայությունը կարևոր է պատշաճ բուժօգնություն մատուցելու համար: Համալիրի տարածքը հիվանդների համար օգտագործելը հավասար է անձին տանը թողնելուն: Երբ որ հիվանդությունը նոր էր և ամեն ինչ հայտնի չէր այդ հիվանդության մասին, մենք բոլոր սցենարները հաշվի էինք առել, բայց հետո և՛ մեր, և՛ համաշխարհային փորձը ցույց տվեց, որ դրանք գործունակ չեն, այսինքն՝ ոչ հիվանդանոցային պայմաններում բուժման մեթոդներն էֆեկտեվ չեն:
Մանրամասները՝ տեսանյութում:
