Ունենք կորոնավիրուսի ահագնացող մեծ թվեր․այսօր հաստատվել է 1042 նոր դեպք, 21 մահվան դեպք, ընդհանուր հաստատված դեպքերը 107 հազար 466 են, մահվան ընդհանուր թիվը՝ 1580: Ազգային ժողովի առողջապահության և սոցիալական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում «Հայաստանի Հանրապետության 2021թ. պետական բյուջեի մասին» ՀՀ օրենքի նախագծի քննարկմանն այս մասին ասաց Առողռապահության նախարար Արսեն Թորոսյանը:
«Սա հանրային խնդիր է, բոլորս պիտի լծվենք խնդրի լուծմանը… Առողջապահության համակարգը, գերլարված ու գերմոբիլիզացված վիճակում աշխատելով ռազմական գործողություններից տուժածների մասով, թերացում չունի: Չկա վիրավորում ունեցող զինծառայող կամ քաղաքացիական անձ, ով չի ստացել պատշաճ բուժօգնություն: Այս մասով 100 տոկոսով ծածկում ենք դաշտը, ունենք նաև ռեզերվներ՝ այլ զարգացումների համար, ինչը չի կարելի ասել կորոնավիրուսի մասով», – նշեց նախարարը:
Մանրամասները՝ տեսանյութում:
