20.05.2026 | 16:09
Արտագաղթի մասին խոսակցություններն առարկայազուրկ են. Արփինե Սարգսյան
Արծրուն Հովհաննիսյանը Պետրոս Ղազարյանի հյուրն է` «Առաջին ալիք»-ի ուղիղ եթերում
08.11.2020 | 20:00
ՀՀ Պաշտպանության նախարարության ներկայացուցիչ Արծրուն Հովհաննիսյանը հարցազրույց է տվել «Առաջին ալիք»-ին։ Ներկայացնում ենք հարցազրույցի առանցքային հատվածները։
«Չկա կողմ, որը լիարժեք վերահսկողականություն ունի Շուշիի նկատմամբ։ Վաղաժամ գնահատականներ չտանք՝ ո՛չ լավատեսական, ո՛չ էլ վատատեսական, սպասենք։
Վաղը, ինձ թվում է, կավարտվի ճակատամարտը Շուշիի համար։
Ալիևը շատ հաճախ շտապում է և երազանքը իրականության տեղ է ներկայացնում, բայց սպասենք վաղվան։
Կարևորը զորքի ամբողջական պահպանումն է և մարտունակությունը։
Ճանապարհներ կան, որ իրենց ձեռքում է, բայց ամբողջը չէ։ Իրենց չի հաջողվել քաղաքն ամբողջությամբ իրենց ձեռքը վերցնել։
Երեկ արդեն դիվերսիոն խմբեր չէին, արդեն կանոնավոր բանակն էր բերվել Շուշիի համար։
Այսօր շատ ավելի համառ էին գրոհում և Մարտունիի ուղղությամբ և Հադրութից հարավ-արևմուտք։
Ալիևը Արաքսի հովտի 15 օրվա հաջողություններից հետո որևէ նոր հաջողություն չունի և հիմա նետել են լուրջ ուժեր Շուշիի համար։
Ասեցին Շուշին վերցրել ենք, բայց դրոշը ցույց չտվեցին․ մենք չենք խաբելու մեր հասարակությանը»։
