20.05.2026 | 14:02
Հայտնաբերվել է երիտասարդին դանակահարած անձը․ նա ձերբակալվել է
ԼՂ-ի հակամարտության գոտում սպանված սիրիացի վարձկանների թիվը հասել է 250-ի․ ավելի շատ մարմիններ են բերվում Սիրիա․ SOHR
Քաղաքականություն
06.11.2020 | 19:01
Սիրիայի մարդու իրավունքների մշտադիտարկման կենտրոնի ակտիվիստները դիտարկել են արցախյան պատերազմում Ադրբեջանի կողմից կռվող թուրքամետ վարձկանների նոր մարմինների տեղափոխումը Սիրիա․ գրում է SOHR-ը։
12 վարձկանների մարմններ են տեղափոխվել թուրքական ուժերի հսկողության տակ գտնվող հյուսիսային Սիրիայի տարածքներ։
SOHR-ի ակտիվիստները նաև փաստագրել են վերջին մի քանի ժամվա ընթացքում ամենաքիչը 10 վարձկանի մահ Ադրբեջանի մարտերում։ Սեպտեմբերի սկզբից էլ, ընդհանուր առմամբ, սպանվել է 250 սիրիացի վարձկան, ներառյալ այն 195-ը որոնց մարմինները բերվել են Սիրիա, մյուսները մնացել են Ադրբեջանում։
Կենտրոնը գրում է, որ ԼՂ-ի մարտերում կռվող սիրիացի վարձկանների ընդհանուր թիվը ամենաքիչը 2580 է, որոնցից 342-ը վերադարձել են Սիրիա։
Նշվում է նաև, որ Թուրքիան փորձում է ավելի շատ վարձկաններ ուղարկել ԼՂ-ի հակամարտության գոտի, քանի որ վարձկանների մի մասը հրաժարվում է կռվել ադրբեջանական ուժերի կողքին՝ կրոնական գործոնի և մեծ թվով մարդկային կորուստների պատճառով։
Բացի այդ կարևոր է նաև այն հանգամանքը, որ Ադրբեջան ուղարկված վարձկաններից շատերը նույնիսկ չգիտեն , որ ադրբեջանցիները շիական համայնքին են պատկանում, և դա իմանալուց հետո վարձկանների մի մասը վերադառնում է Սիրիա։
Էմմա Չոբանյան
