12.01.2025 | 12:00
Շվանիձոր-Նռնաձոր-ՀՀ սահման ավտոճանապարհին կատարվելու են պայթեցման աշխատանքներ
Թբիլիսիում բողոքի ցույցի ժամանակ կրակոցներ են հնչել
Քաղաքականություն
06.11.2020 | 16:06
Հրազենային զենքի կրակոցների ձայն է լսվել Թբիլիսիում «Վրացական երազանք» իշխող կուսակցության հիմնադիր Բիձինա Իվանիշվիլիի նստավայրի մոտ։ Իրավապահ մարմինները գտել են ոչ մարտական, ազդանշանային զենքի պարկուճներ։ Այս մասին լրագրողներին հայտնել է բողոքի ցույցի մասնակիցներից մեկը։
«Լսել ենք 4-5 կրակոց, սակայն ավելի ուշ պարզվել է, որ ցուցարարներն օգտագործել են մեկնարկային ատրճանակ Իվանիշվիլիին արթնացնելու նպատակով։ Ոստիկանությունն արդեն գտել է փամփուշտների հետքերը»,- հայտարարել է ցույցի մասնակիցներից մեկը։
Մինչ այդ, Վրաստանի իշխանությունների ներկայացուցիչները հայտարարում են, որ պատրաստ են բանակցությունների սեղանի շուրջ նստել ընդդիմադիրների հետ։ Այս մասին հայտարարել էր երկրի առողջապահության նախարար Եկատերինա Տիկարաձեն, հայտնում է Sputnik Georgia-ն։
Հիշեցնենք, որ Վրաստանում արդեն 6-րդ օրն է ընդդիմությունը փողոց է դուրս եկել ու բողոքում է հոկտեմբերի 31-ին կայացած խորհրդարանական ընտրությունների արդյունքների դեմ։ Այսօր ընդդիմադիրները ավտոերթ են կազմակերպել Իվանիշվիլիի նստավայրի ուղղությամբ։ Կիրակի օրը նախապատրաստվում է լայնամասշտաբ բողոքի ցույց իրականացնել։
Տաթև Ֆռանգյան
