11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ԱՄՆ-ում հաղթողի անունը հայտարարելու համար կպահանջվի մի քանի օրից մինչև մի քանի շաբաթ ժամանակ
Քաղաքականություն
06.11.2020 | 10:57
ԱՄՆ-ում նախագահական ընտրություններից հետո ամերիկացիները շարունակում են սպասել դրա արդյունքին: Բոլորի ուշադրությունն այժմ, այսպես կոչված, «ճակատամարտային» նահանգների վրա է, որոնց արդյունքը կտա վերջնական պատասխան, թե ով է լինելու երկրի հաջորդ նախագահը. գրում է amerikayidzayn.com-ը:
Այդ նահանգներից է Փենսիլվանիան, որտեղ այս պահին նկատվում է լարվածություն: «Հույս ունենաք, որ այն կավարտվի խաղաղ»,- ասում են մարդիկ:
Կարևոր նշանակություն ունեցող մի շարք նահանգներում այս պահին էլ շարունակվում է քվեների հաշվարկը: Այն բանից հետո, երբ Միչիգանում և Վիսկոնսինում հաղթող ճանաչվեց Ջո Բայդենը, իսկ այս նահանգներն անցյալ անգամ քվեարկել էին հօգուտ Թրամփի, Բայդենը հայտարարեց, թե ինքը վստահ է, որ ինքն է դառնալու երկրի հաջորդ նախագահը:
Բայդենը հույսեր է կապում նաև ավանդաբար հանրապետական կողմնորոշում ունեցող Ջորջիա նահանգի հետ, որտեղ այսօր, այո՛, կա նկատելի համակրանք նախկին փոխնախագահի նկատմամբ:
Թրամփի քարոզարշավի թիմն այժմ նախապատրաստվում է դատական հայցեր ներկայացնել, պահանջելով դադարեցնել Միչիգանում ու Փենսիլվանիայում քվեների հաշվարկը: Նրանք պնդում են, որ չեն ունեցել անհրաժեշտ միջոցներ այստեղ հաշվարկման գործընթացը ստուգելու համար:
«Մենք գնալու ենք մինչև Գերագույն դատարան, և ուզում ենք, որ քվեարկության ընթացքը դադարեցվի»,- ասել է Թրամփը: Թրամփը պահանջում է նաև վերահաշվարկ անցկացնել Վիսկոնսինում, որտեղ ձայների տարբերությունը եղել է չնչին:
Թրամփի հարյուրավոր աջակիցներ բողոքի ցույցեր էին անցկացնում Արիզոնայի Ֆինիքս քաղաքում այդ նույն պահանջով: Այս նահանգի ու մի շարք այլ նահանգներում գրանցված արդյունքը կարող է ուղարկվել դատարան: Իսկ սա նշանակում է, որ ընտրություններում հաղթողի անունը պաշտոնապես հայտարարելու համար կպահանջվի ևս մի քանի օր, կամ նույնիսկ` մի քանի շաբաթ:
