15.12.2025 | 19:13
Լուվրը ժամանակավորապես փակ է․ աշխատակիցները գործադուլ են սկսել
Ռուսաստանի համար հասկանալի չէ Ալիևի հուզական արձագանքը Սերգեյ Լավրովի հայտարարությանը
Քաղաքականություն
06.11.2020 | 10:26
Ադրբեջանի նախագահ Իլհամ Ալիևի հուզական արձագանքը Լեռնային Ղարաբաղում օտարերկրյա վարձկանների մասին Սերգեյ Լավրովի խոսքերին Ռուսաստանի համար հասկանալի չէ: Այս մասին հայտարարել է ՌԴ ԱԳՆ-ում ՏԱՍՍ-ի աղբյուրը:
«Անկեղծ ասած, մեզ այնքան էլ հասկանալի չէ հարգարժան Իլհամ Հեյդարովիչ Ալիևի հուզական արձագանքը Սերգեյ Վիկտորովիչ Լավրովի մեկնաբանությանը։ Հնարավոր է, Ադրբեջանի նախագահի օգնականները նրան ցույց են տվել նաև էլի ինչ-որ մեկի նյութերը, կամ էլ սեփական մեկնաբանությունն են ներկայացրել»,- ասել է գործակալության զրուցակիցը:
«Ինչպես տեսնում ենք մեկնաբանությունում ո՛չ Ադրբեջանի, ո՛չ էլ մեկ այլ երկրի հասցեին կշտամբանք չկա։ Խոսքը գնում էր մեր ծայրաստիճան մտահոգության մասին՝ Անդրկովկասյան տարածաշրջան վարձկան-զինյալների մուտք գործելու վերաբերյալ: Այս կապակցությամբ կխնդրեինք մեր ադրբեջանցի ընկերներին ավելի ուշադիր լինել սկզբնաղբյուրներին ծանոթանալիս»,- շարունակել է ՏԱՍՍ-ի զրուցակիցը։
Նա նշել է, որ Մոսկվան մշտապես «առավելագույնս նրբանկատ» է վերաբերվել միջնորդի իր դերակատարությանը:
Տաթև Ֆռանգյան
