27.03.2026 | 15:05
Սյունիքում սելավը վնասել է մեքնաներ, տուժել են կենդանիներ․ ՆԳՆ
Հայ-ռուսական պայմանագրով ինչ անհրաժեշտ է՝ արվում է. Զոհրաբ Մնացականյանը՝ Փաշինյանի նամակի մասին. ՏԵՍԱՆՅՈՒԹ
Քաղաքականություն
05.11.2020 | 13:11
Անհրաժեշտ բոլոր աշխատանքներն իրականացվում են՝ ՌԴ-ից աջակցության առումով: Այն, ինչ վերաբերում է հայ-ռուսական պայմանագրային հարաբերություններին և դրանից բխող գործառույթներին, ինչ որ անհրաժեշտ է՝ արվում է: Այս մասին խորհրդարանում լրագրողների հետ զրույցում ասաց ՀՀ ԱԳ նախարար Զոհրաբ Մնացականյանը՝ անդրադառնալով դիտարկմանը, որ ՀՀ վարչապետը աջակցության համար դիմել է ՌԴ նախագահին:
«Երեք անգամ համանախագահող երկրների ղեկավարներն իրենց անմիջական ներդրումն են ունեցել զինադադարի հասնելու համար, 3 անգամ Հայաստանը լրջագույնս ներգրավվել է և ապահովել է դրա համաձայնեցումը, և 3 անգամ Ադրբեջանը խախտել է այդ համաձայնությունը, որովհետև 3 անգամ էլ Ադրբեջանը, հավանաբար, ուղղորդվել է Թուրքիայի կողմից»,- նշեց Մնացականյանը:
Նա նաև ընդգծեց, որ դրանից, սակայն, չի բխում, որ դադարելու ենք աշխատել զինադադար ամրագրելու ուղղությամբ և ոչ թե միայնակ, այլ համանախագահների հետ միասին: «Հիմքում դրված են այն 4 կետերը, որոնք արտահայտված են հոկտեմբերի 10-ի համատեղ հայտարարության մեջ, դրանք վերահաստատվել են նաև մյուս հանդիպումների ժամանակ և այդ ուղղությամբ մենք շարունակելու ենք աշխատել: Կարևոր հարցերից մեկը վերիֆիկացիոն համակարգի ներդրումն է, դա հնարավորություն կտա առավել արդյունավետ իրականացնել այդ գործառույթները: Այդ առումով նույնպես այսօր աշխատանքները կատարվում են և մեզ անհրաժեշտ է դրան հասնել, համանախագահների այդ առումով ներգրավվածությունը աշխատանքին մնում է շատ կարևոր»,- նշեց նախարարը:
Մանրամասները՝ տեսանյութում:
