29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Պայքար յուրաքանչյուր ձայնի համար․ ԱՄՆ-ում ընտրական հակամարտությունը դուրս է գալիս փողոցներ
Քաղաքականություն
05.11.2020 | 10:55
ԱՄՆ-ում շարունակվում է նախագահական ընտրությունների ձայների հաշվարկը։ Ու դատելով ստեղծված իրավիճակից՝ առաջիկայում այն չի ավարտվի։ Համաձայն Fox news-ի հրապարակած վերջին տվյալների՝ դեռևս առաջատար է Ջո Բայդենը, նրան հաջողվել է հավաքել 264 ձայն։ Թրամփն այս պահի դրությամբ ունի 214 ձայն, իսկ հաղթելու համար անհրաժեշտ է 270-ը։
Պայքար է գնում յուրաքանչյուր ձայնի համար, սկանդալները հետևում են մեկը մյուսին, իսկ հակամարտությունն արդեն դուրս է գալիս փողոցներ։ Այս պահի դրությամբ այս ընտրությունները, դատական հայցեր ներկայացնելու թվով, արդեն ռեկորդ են սահմանել։
ԱՄՆ նախագահ Դոնալդ Թրամփի նախընտրական շտաբը հայտարարել է, որ կարող է դատական հայց ներկայացնել Արիզոնա ու Նևադա նահանգներում քվեաթերթիկների հաշվարկման առնչությամբ։ Այս մասին հայտնում է CNN-ը։
Նյու-Յորքում սկսվել են ձերբակալություններ: Ցուցարարներն իրենց ձեռքին ունեցել են Բայդենին աջակցող դրոշներ, լսվել են ոստիկանության հասցեին վիրավորանքներ: Մարդիկ բերման են ենթարկվել ճանապարհի երթևեկելի մաս դուրս գալու համար:
Ցուցարարներ են հավաքվել նաև Արիզոնա նահանգի Ֆինիկս քաղաքի ընտրատեղամասի դիմաց։ Ինչպես հայտնում է CNN-ը, ցուցարարների շարքում շատ են հանրապետականների ու Դոնալդ Թրամփի կողմնակիցները։
Տաթև Ֆռանգյան
