20.05.2026 | 20:44
Վրաստանի վարչապետը բաց նամակով դիմել է Եվրամիությանը
Քանյե Ուեսթն ընդունել է ԱՄՆ նախագահական ընտրություններում իր պարտությունը
Քաղաքականություն
04.11.2020 | 17:02
Ամերիկացի հանրահայտ ռեփ կատարող Քանյե Ուեսթը խոստովանել է ԱՄՆ նախագահական ընտրություններում իր պարտությունն ու հայտարարել է 2024 թվականի ընտրություններին մասնակցության պատրաստակամության մասին։
«Քանյե 2024»,- Twitter-ի իր էջում գրել է երգիչը, որը նախկինում իր նախընտրական քարոզարշավի վերաբերյալ գրառումները կատարում էր «Քանյե 2020» հեշթեգով։
Fox News հեռուստաալիքի հրապարակած վերջին տվյալների համաձայն՝ Ուեսթի օգտին քվեարկել է ավելի քան 60 հազար մարդ։ Ռեփ կատարողի օգտին քվեարկել են 12 նահանգներում՝ Այովայում, Արկանզասում, Կոլորադոյում, Այդահոյում, Քենտուկիում, Լուիզիանայում, Մինեսոտում, Միսիսիպում, Թենեսիում, Յուտայում ու Վերմոնտում։ Յուրաքանչյուր նահանգում նա 1%-ից պակաս ընտրողների քվեներն է ստացել։
Ընտրությունների օրը Ուեսթը հայտարարել էր, որ քվեարկել է այն մարդու օգտին, ում ամենից շատն է վստահում, այսինքն՝ ինք իր օգտին։
Տաթև Ֆռանգյան
