12.10.2026 | 15:18
«Եթե ընդամենը 5000 ընտանիք է բնակարան ձեռք բերել, ո՞ւր է ծախսվել 250 մլն դոլարը»․ Աննա Գրիգորյան․ ՏԵՍԱՆՅՈՒԹ
Ահաբեկչությունները չեն ստիպի Եվրոպային հրաժարվել իր հիմնարար արժեքներից․ ԵԽ
Քաղաքականություն
04.11.2020 | 14:25
Ֆրանսիայի քաղաքներում ու Ավստրիայի մայրաքաղաք Վիեննայում ահաբեկչությունները Եվրոպային չեն ստիպի հրաժարվել հիմնարար արժեքներից։ Այս մասին այսօր Աթենքում հայտարարել է Հունաստանի ԱԳ նախարար ու Եվրոպայի խորհրդի նախարարների հանձնաժողովի նախագահ Միլթիադիս Վարվիցիոտիսը հանձնաժողովի 130-րդ նիստի բացման ժամանակ, փոխանցում է ՏԱՍՍ-ը։
«Ֆրանսիայում, Վիեննայում վերջին իրադարձությունները, երբ փաստացի մեզ փորձեցին հարկադրեցին ընկրկել ու ահաբեկչությունից վախ զգալ, մեզ չեն ստիպի հետ կանգնել մեր արժեքներից։ Կարևոր է ոչ միայն ցավակցել զոհերի ընտանիքներին, այլև ասել, որ մենք իսկապես մտահոգված ենք հասարակություններով, որոնք ենթարկվել են այդ ահաբեկչական հարձակումների հարվածներին։ Կարևոր է ազդակ ուղղել, որ մենք հետևում ենք մեր հիմնարար արժեքներին ցանկացած վտանգի, այդ թվում՝ ահաբեկչության դեմ»,- ընդգծել է Վարվիցիոտիսը։
Հիշեցնենք՝ Վիեննայում 6 վայրում կրակոցներ են հնչել, այդ թվում՝ սինագոգի մերձակայքում։ 4 մարդ սպանվել է, 22-ը՝ վիրավորվել, այդ թվում՝ մեկ ոստիկան։
Ֆրանսիայում ևս վերջին օրերին մի քանի ահաբեկչություններ են գրանցվել։
Տաթև Ֆռանգյան
