09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ԻՊ-ն ստանձնել է Վիեննայում ահաբեկչության պատասխանատվությունը
Քաղաքականություն
04.11.2020 | 13:18
Վիեննայում ահաբեկչական հարձակման պատասխանատվությունը ստանձնել է «Իսլամական պետություն» (ԻՊ) ահաբեկչական խմաբավորումը։ Այս մասին հայտնում է Reuters-ը՝ վկայակոչելով խմբավորման Amaq News գործակալությունը։
Աղբյուրի փոխանցմամբ՝ հայտարարության հետ միասին հրապարակվել է նաև տղամարդու լուսանկար, որը ներկայացվում է որպես Աբու Դաժնա Ալ-Ալբանի։ Հաղորդագրության մեջ ասվում է, որ Ալ-Ալբանին ահաբեկչություն է իրականացրել նոյեմբերի 2-ին։
Ավելի վաղ Ավստրիայի իշխանությունները հայտարարել էին, որ ոստիկանությունը գնդակահարել է ահաբեկչին։ Ավստրիայի ՆԳ նախարար Կառլ Նեհամմերի խոսքով՝ ահաբեկչի անունը Կույթիմ Ֆեյզուլա էր, նա 20 տարեկան էր։ Ահաբեկիչը Ավստրիայի ու Հյուսիսային Մակեդոնիայի քաղաքացիություն ուներ։
Տաթև Ֆռանգյան
