30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
Հրապարակվել են ԱՄՆ նախագահական ընտրությունների նախնական արդյունքները․ հաշվարկվում են նաև Սենատի ընտրությունների քվեները
Քաղաքականություն
04.11.2020 | 12:24
Հանրապետականներն ու դեմոկրատները գրեթե հավասար հնարավորություններ ունեն հաղթելու ԱՄՆ Սենատի ընտրություններում, բայց մինչ այս պահը Հանրապետական կուսակցության անդամները մի փոքր առավելություն ունեն: Տվյալները հրապարակել է Fox News-ը:
Հեռուստաալիքի տվյալների համաձայն՝ հանրապետականները Սենատի 35 տեղերից 17-ն ունեն։ Դեմոկրատներն իրենց հերթին հաղթում են 11 նահանգներում։ Ընդհանուր առմամբ, իրադարձությունների ներկայիս զարգացման պարագայում նոր գումարման Սենատում հանրապետականները կարող են ստանալ 100 տեղից 47-ը, իսկ դեմոկրատները՝ 46-ը։ 7 տեղի ճակատագիրն այս պահին հայտնի չէ, գրում է ՏԱՍՍ-ը։
Հիշեցնենք, որ այս գումարման Սենատում հանրապետականներն ունեն 53 տեղ, դեմոկրատները, երկու անկախ թեկնածուների հետ միասին, 47։
Համաձայն Fox News-ի վերջին տվյալների՝ ԱՄՆ գործող նախագահ Դոնալդ Թրամփն այս պահի դրությամբ ունի 213 ձայն, Դեմոկրատական կուսակցության թեկնածու Ջո Բայդենը՝ 238 ձայն։
Տաթև Ֆռանգյան
