18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Դատական համակարգից 85 աշխատակից մեկնել է սահման. որոշ նիստեր հետաձգվում են. Փոլադյան. ՏԵՍԱՆՅՈՒԹ
Հասարակություն
04.11.2020 | 11:52
Դատական համակարգից շուրջ 85 հոգի էլ այս պահին առաջնագծում է: Առաջնագիծ մեկնածների թվում են Դատական դեպարտամենտի կենտրոնական մարմնի աշխատակիցները, դատարանների աշխատակազմերի աշխատակիցներ, դատական կարգադրիչները, ովքեր թե՛ կամավորության սկզբունքով, թե՛ զորահավաքի շրջանակում են մեկնել առաջնագիծ և այսօր իրենց առաքելությունն են իրականացնում: Այս մասին այսօր Ազգային ժողովում լրագրողների հետ ճեպազրույցում ասաց Դատական դեպարտամենտի ղեկավար Կարեն Փոլադյանը:
Ինչ վերաբերում է ռազմական դրությամբ պայմանավորված դատական նիստերի հետաձգմանը, Կարեն Փոլադյանը նշեց, որ որոշ դատական նիստեր հետաձգվում են՝ իրավիճակով պայմանավորված: «Այն բոլոր գործերով, որոնցով կողմեր են հանդիսանում այն անձինք, որոնք այս պահին գտնվում են առաջնագծում կամ առաջնագծում չեն գտնվում, բայց ներգրավված են այդ պրոցեսին որևէ կերպ, բնականաբար, դատարանները ողջամտորեն գնահատում են իրավիճակը և դատական նիստերը հետաձգում են»,- ասաց Փոլադյանը:
Մանրամասները՝ տեսանյութում:
