11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Ավստրիայի կանցլերը վճռական պայքար է հայտարարել իսլամական ահաբեկչության դեմ
Քաղաքականություն
03.11.2020 | 18:40
Վիեննայում ահաբեկչությունից հետո Ավստրիայի կանցլեր Սեբաստիան Կուրցը զգուշացրել է, որ իշխանությունները կպայքարեն ահաբեկչության դեմ առկա բոլոր ուժերով, փոխանցում է DW-ի ռուսական ծառայությունը։
«Սա քաղաքակրթության ու բարբարոսության միջև պայքար է, և մենք այն կվարենք վճռականությամբ»,- հայտարարել է նա՝ այսօր ուղերձով դիմելով ժողովրդին։
«Հանցագործին կամ հանցագործներին ղեկավարել է մեր հիմնական արժեքների, մեր կենսակերպի, մեր ժողովրդավարության հանդեպ ատելությունը, որտեղ բոլոր մարդիկ հավասար իրավունքներ ու արժանապատվություն ունեն»,- ընդգծել է Կուրցը։
Նրա խոսքով՝ Վիեննայում ահաբեկչությունն իրականում ուղղված է եղել երկրի բոլոր բնակիչների դեմ։ «Մենք թույլ չենք տա ահաբեկիչներին մեզ վախեցնել։ Բոլոր նրանք, ովքեր կապ ունեն այս ստոր հանցանքի հետ, կհետապնդվեն առկա բոլոր միջոցներով»,- զգուշացրել է Ավստրիայի կանցլերը։
Տաթև Ֆռանգյան
