07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Մենք պետք է ամբողջության մեջ ընկալենք Ռուսաստանի լեգիտիմ շահերը տարածաշրջանում. Արման Բաբաջանյան․ ՏԵՍԱՆՅՈՒԹ
Քաղաքականություն
03.11.2020 | 16:45
Ռուսաստանի հետ դաշնակցային հարաբերություններն այս պահին ամենաբարձր մակարդակով պահպանվում են: Ռուսաստանի և Հայաստանի ղեկավարները ամենօրյա շփումների մեջ են, և սերտ հարաբերություններ են հաստատվել: Ռուսաստանի դերակատարությունը, միջնորդությունը այս խնդրում ունի անփոխարինելի նշանակություն, և ՌԴ քայլերը և պարտավորությունները պետք է դիտարկենք ամբողջության մեջ: Այս մասին Factor.am-ի հետ զրույցում ասաց ԱԺ անկախ պատգամավոր Արման Բաբաջանյանը:
Անդրադառնալով հարցին, թե արդյոք ժամանակը չէ, որ Հայաստանը դիմի ՀԱՊԿ-ին, քանի որ Դավիթ Բեկ համայնքը, որը հրետակոծության է ենթարկվել, ՀԱՊԿ անդամ Հայաստանի տարածքում է, պատգամավորը նշեց, որ ավելի շատ երկկողմ հարաբերություններ վրա պետք է ուշադրություն դարձնել:
«Ես տեսնում եմ, որ Ռուսաստանն առավելագույնն է անում երկկողմ հարաբերությունների մակարդակում: ՀԱՊԿ-ը բազմաթիվ անգամներ ձախողել է և «քննությունը» չի հանձնել՝ որպես կենսունակ ռազմաքաղաքական դաշինք: Մենք հասկանում ենք, որ Հայաստանի անդամակցությունը այդ դաշինքում առավելապես մեր դաշնակից Ռուսաստանին զորավիգ լինելու նպատակ է հետապնդել, և ՀԱՊԿ անդամակցության շնորհիվ մեզ հնարավորություն է տրվել ներքին գներով ՌԴ-ից սպառազինություն ձեռք բերել:
Այս պահին հասկանալով հեռանկարը, թե ինչպիսին կլիներ այդ դաշինքի անդամ առնվազն երկու երկրների արձագանքը Հայաստանի պաշտպանության հարցում դաշինքի ներուժն օգտագործելու առումով, կարծում եմ, Հայաստանի և Ռուսաստանի իշխանությունների կողմից կոնսենսուսով ձեռք է բերվել պայմանավորվածություն, որ Հայաստանը ձեռնպահ կմնա դիմելու ՀԱՊԿ-ին, փոխարենը ՌԴ-ն ամբողջությամբ ստանձնում է պաշտպանության և աջակցության համալիր հարցերը, որոնք կարող են անհրաժեշտ լինել Հայաստանին: Այդ իմաստով մտահոգվել չարժե, որովհետև Ռուսաստանը լիուլի կատարում է իր դաշնակցային պարտավորություններըաբաջանյանը»,- նշեց Բաբաջանյանը:
Մանրամասները՝ տեսանյութում:
