29.04.2026 | 13:27
Ավանեսյանը՝ Բաքվում պահվող գերիների առողջական վիճակի և ադրբեջանական պատվիրակության այցի մասին․ ՏԵՍԱՆՅՈՒԹ
Թե ինչպես Ադրբեջանի կողմից իմ ձերբակալումը կրկնակի ավելացրեց Արցախում զբոսաշրջության աճը. Լապշինի նոր բլոգը (տեսանյութ)
Հասարակություն
25.12.2017 | 16:32
Ռուսաստանի և Իսրայելի քաղաքացի, բլոգեր Ալեքսանդր Լապշինն իր բլոգում արված գրառմամբ տեղեկացնում է, որ իր ազատազրկումը Ադրբեջանի իշխանությունների կողմից հակառակ ազդեցությունն է ունեցել, քանի որ 2017 թվականին նախորդ տարվա համեմատ կրկնակի աճել է Արցախ այցելուների թիվը:
«Այժմ Եվրոպան և աշխարհի զգալի մասը նշում է Սուրբ Ծնունդը: Ողջույններ Չեխիայից, այն քաղաքից, որը հիշատակվում է Յարոսլավ Հաշեկի «Քաջարի զինվոր Շվեյկի արկածները համաշխարհային պատերազմի ժամանկ» գրքում: Ինձ համար անցնող 2017 թվականը հեշտ տարի չէր, քանի որ այդ տարվա ընթացքում Արցախ այցելելու համար գրեթե 9 ամիս անցկացրեցի ադրբեջանական բանտում: Ես ստիպված եղա խորանալ ադրբեջանական կլանների կեղտոտ գործերի մեջ, իմանալ Ալիևների ընտանեկան աղտերի մասին, շրջել Բաքվի սուլթանի կնոջ անձնական ինքնաթիռով, անձամբ տեսնել և լսել այս մուսուլմանական երկրում կռիվները իշխանության և նավթադոլարների համար: Նրանց ռասիզմն ու ատելությունը ոչ միայն Արցախի հակամարտության հետևանքով հայերի դեմ է, այլ ընդհանրապես բոլոր այլադավանների: Պարադոքս է, բայց գաճաճ Ադրբեջանը, փորձելով վախեցնել ամբողջ աշխարհին, հակառակը՝ նպաստեց, որ 2017թ. Արցախ այցելի կրկնակի շատ զբոսաշրջիկ, քան նախորդ տարում: Նրանց շարքում էին նաև Մերձբալթյան երկրներից իմ ընկերները՝ Ալեքսանդր Ալիմովը և Իվար Ուտինասը Լատվիայից ու Սլավա Գորբունովը Լիտվայից: Նրանք հիանալի ֆիլմ են նկարահանել այդ հրաշալի վայրի, մշակույթի, ժողովրդի, բնության, ճարտարապետական հուշակոթողների վերաբերյալ: Դիտեք, վստահ եմ, որ դուք էլ կցանկանաք լինել այնտեղ»,- գրել է Լապշինը:
