19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
ԱՄՆ-ը կանգնած է Ավստրիայի, Ֆրանսիայի և ամբողջ Եվրոպայի կողքին՝ ծայրահեղ իսլամիստական ահաբեկչության դեմ պայքարում. Թրամփ
Քաղաքականություն
03.11.2020 | 10:45
ԱՄՆ նախագահ Դոնալդ Թրամփն թվիթերի իր միկրոբլոգում անդրադարձել է Վիեննայում տեղի ունեցած ահաբեկչությանը:
«Մեր աղոթքները Վիեննայի ժողովրդի հետ են նողկալի ահաբեկչական գործողություններից հետո: Այս հրեշավոր հարձակումներն` ընդդեմ անմեղ մարդկանց, պետք է դադարեցվեն: ԱՄՆ-ը կանգնած է Ավստրիայի, Ֆրանսիայի և ամբողջ Եվրոպայի կողքին ահաբեկչության, ներառյալ ծայրահեղ իսլամիստական ահաբեկչության դեմ պայքարում»,- նշել է ԱՄՆ-ի նախագահը:
Հիշեցնենք, որ երեկ՝ նոյեմբերի 2-ին, Ավստրիայի մայրաքաղաք Վիեննայում գտնվող սինագոգում անհայտ անձը մի քանի կրակոց է արձակել, ապա պայթեցրել իրեն: Սպանվել է 3 մարդ, վիրավորվել՝ 15-ը: Լրատվամիջոցները հայտնել են, որ կրակոցներին զուգահեռ, ահաբեկիչները քաղաքի մյուս ծայրում գտնվող ճապոնական ռեստորանում պատանդ են վերցրել մի խումբ մարդկանց։ Ահաբեկչություն է իրականացվել միանգամից քաղաքի 6 վայրում։
Նշենք, նաև, որ ՀՀ վարչապետ Նիկոլ Փաշինյանը գերմանական «ԲԻԼԴ» պարբերականին տված հարցազրույցում ասել էր, որ «Եթե միջազգային հանրությունը ճշգրիտ չգնահատի իրավիճակը՝ ուրեմն Եվրոպան պետք է Թուրքիային սպասի Վիեննայի մերձակայքում»:
