13.01.2025 | 15:55
Դոհայում Գազայի հարցով բանակցություններում բեկում է արձանագրվել. Reuters
ՄԱԿ -ի Մարդու իրավունքների Գերագույն հանձնակատարը՝ Արցախում ռազմական հանցագործությունների մասին
Քաղաքականություն
02.11.2020 | 23:32
ՄԱԿ-ի Մարդու իրավունքների գլխավոր հանձնակատարը հայտարարել է, որ Լեռնային Ղարաբաղի տարածքում հրետանային հարվածները կարող են ռազմական հանցագործություններ լինել: Այս մասին տեղեկացնում է Reuters-ը:
Նա հորդորել է Հայաստանին և Ադրբեջանին դադարեցնել կրակը քաղաքացիական բնակավայրերի, դպրոցների և հիվանդանոցների ուղղությամբ:
«Չնայած նախոր ուրբաթ Արբեջանի և Հայաստանի միջև ձեռք բերված պայմանավորվածությանը՝ քաղաքացիական բնակավայրերին հարվածներ չհասցնելու վերաբերյալ, հանգստյան օրերին հաղորդվում էր բնակավայրերի ուղղությամբ հրետանային հարվածների մասին»,- ասել է Միշել Բաչելետը ՝ վկայակոչելով Ստեփանակերտի կենտրոնական շուկային և Թարթառ քաղաքին ուղղված հարվածները:
Բաչչելետը նաև մտահոգություն է հայտնել հայ 2 գերիների սպանության տեսանյութի վերաբերյալ․ «Չնայած բազմաթիվ կեղծ տեսանյութեր են շրջանառվում սոցցանցերում, այնուամենայնիվ լրատվամիջոցների կողմից իրականացվող խորը հետաքննությունները ցույց են տալիս, որ ադրբեջանական զորքերը մահապատժի են ենթարկում երկու գերեվարված հայերի՝ բացահայտելով համոզիչ և խորապես անհանգստացնող տեղեկատվություն»,- նշել է ՄԱԿ-ի պաշտոնյան՝ ընգծելով, որ դա Ժնևյան Կոնվենցիայով կարող է համարվել պատերազմական հանցագործություն։
