19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Մայնի Ֆրանկֆուրտում շուրջ 800 երիտասարդ մահմեդական զանգվածային անկարգություններ են հրահրել․ ձերբակալված կա
Քաղաքականություն
02.11.2020 | 18:54
Գերմանիայի ոստիկանությունը հետաքննում է Մայնի Ֆրանկֆուրտում տեղի ունեցած անկարգությունները, որտեղ անցած հանգստյան օրերին 800 մահմեդականներ ջարդուփշուր են արել խանութների ցուցափեղկերն ու հարձակվել իրավապահ մարմինների աշխատակիցների վրա։ Այս մասին հայտնում է fr.de-ն։
Անկարգությունները գրանցվել են զբոսաշրջիկների շրջանում հանրահայտ Զեյլ Շտրասսեում։ Ոստիկանների ուղղությամբ շշեր, քարեր ու ձվեր են նետվել։
Համացանցում կադրեր են հայտնվել, թե ինչպես են մի քանի մարդ գրոհում ոստիկանական միկրոավտոբուսը։ ԶԼՄ-ները նաև հայտնում են մի խուլիգանի մասին, ում հաջողվել է դուրս պրծնել ոստիկանների ձեռքից՝ ոստիկանի դեմքին պղպեղային ցողաշիթ փչելով։ Հայտնի է մի քանի ոստիկանի վիրավորվելու մասին։
Տաք հետքերով ձերբակալվել է 9 մարդ, սակայն արդեն երեկոյան նրանցից 8-ն ազատ է արձակվել՝ ձերբակալման համար հիմքերի բացակայության պատճառով։ Մեղադրանք է առաջադրվել միայն 17-ամյա մի ներգաղթյալի։
Տաթև Ֆռանգյան
