17.09.2026 | 21:58
«G Class invest»-ը գործում է ԿԲ-ի վերահսկողությունից դուրս. Կենտրոնական բանկն ահազանգում է
Նորվեգիան 1․5 միլիոն եվրո է հատկացրել ԼՂ հակամարտությունից տուժած խաղաղ բնակչությանը
Քաղաքականություն
02.11.2020 | 18:13
Նորվեգիայի իշխանությունները որոշում են կայացրել հումանիտար կազմակերպությունների միջոցով 17 միլիոն նորվեգական կրոն (1․5 միլիոն եվրո) հատկացնել ԼՂ հակամարտությունից տուժած խաղաղ բնակչությանը։ Այս մասին հայտնել է Նորվեգիայի ԱԳՆ-ն, փոխանցում է ՏԱՍՍ-ը։
«Լեռնային Ղարաբաղում ու դրա շուրջ ռազմական գործողությունները բազմաթիվ կյանքեր են խլել, ստիպել են շատերին լքել իրենց տները և մեծ տառապանք պատճառել քաղաքացիական բնակչությանը։ Նորվեգիան 17 միլիոն կրոն կհատկացնի մարդասիրական կազմակերպություններին, որոնք պաշտպանում և օգնում են բոլոր նրանց, ում ամենից շատ է առնչվել այս հակամարտությունը»,- նշել են նախարարությունից։
ԱԳՆ ղեկավար Ինե Էրիկսեն Սյորեյդեի խոսքով՝ Նորվեգիան ակնկալում է, որ հակամարտության կողմերը կապահովեն մարդասիրական կազմակերպությունների անվտանգությունն ու առանց խոչընդոտի թույլ կտան օգնություն ցուցաբերել տարածաշրջանում դրա կարիքն ունեցողներին։
«Մենք կոչ ենք անում հակամարտող կողմերին՝ պահպանել հրադադարն ու կրկին սկսել բանակցությունները։ Նորվեգիան աջակցում է խաղաղ կարգավորմանը հասնելու ԵԱՀԿ Միսնկի խմբի աշխատանքներին»,- նշել է նորվեգացի պաշտոնյան։
Տաթև Ֆռանգյան
