14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Ալիևը հայտարարել է, որ Ռուսաստանը պետք է չեզոքություն պահպանի ղարաբաղյան հակամարտության հարցում
Քաղաքականություն
02.11.2020 | 16:42
Ռուսաստանը պետք է չեզոք դիրքորոշում պահպանի ղարաբաղյան հակամարտության հարցում , ինչպես դա պահանջում է Մինսկի խմբի համանախագահի մանդատը։ Այս մասին այսօր հայտարարել է Ադրբեջանի նախագահ Իհամ Ալիևը, փոխանցում է ՏԱՍՍ-ը։
«Ռուսաստանը Մինսկի խմբի համանախագահ է և պետք է պահպանի չեզոք դիրքորոշում, ինչպես և մյուս բոլոր համանախագահները՝ համաձայն նրանց տրված ԵԱՀԿ մանդատի»,- հայտարարել է Ալիևը։
Հիշեցնենք՝ ՀՀ վարչապետ Նիկոլ Փաշինյանը դիմել էր ՌԴ նախագահ Վլադիմիր Պուտինին՝ խնդրելով սկսել խորհրդակցություններ, որպեսզի որոշվի թե ինչ տեսակի ու չափի ռազմական օգնություն կարող է Ռուսաստանը տրամադրել Հայաստանին։ ՌԴ ԱԳՆ-ից հայտնել են, որ Մոսկվան Երևանին կհատկացնի ողջ անհրաժեշտ օգնությունը ՝ համաձայն դաշնակցային պայմանագրի, եթե մարտական գործողությունները տեղափոխվեն ՀՀ անմիջական տարածք։
Տաթև Ֆռանգյան
