01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Իրավիճակը առաջնագծում. ՏԵՍԱՆՅՈՒԹ
02.11.2020 | 13:26
Երեկ օրվա ընթացքում և գիշերը մարտական գործողությունները շարունակվել են ռազմաճակատի տարբեր հատվածներում: Այս մասին լրագրողների հետ զրույցում տեղեկացրեց ԱՀ ՊԲ մամուլի պատասխանատու Սուրեն Սարումյանը:
«Ադրբեջանի Զինված ուժերը կրկին կիրառել են իրենց տրամադրության տակ եղած գրեթե ողջ զինանոցը՝ գրոհներ ձեռնարկելով մեր ՊԲ դիրքերի ուղղությամբ և որոշ հատվածներում առաջխաղացման փորձ կատարելով: Առաջխաղացման փորձերը ձախողվել են, որովհետև հետախուզության միջոցով շարասյուները հայտնաբերվել են և խոցվել:
Առաջխաղացման փորձը հիմնականում Շուշիի ուղղությամբ է եղել, սակայն, ընդհանուր առմամբ, լարվածություն է եղել ամբողջ ռազմաճակատում: Բացի դրանից՝ հակառակորդը նաև փորձել է ԱԹՍ-ներ կիրառել Ստեփանակերտի մերձակայքում, մեր ՀՕՊ ստորաբաժանումների կողմից դրանք խոցվել են»,- նշեց Սարումյանը:
