29.04.2026 | 11:13
Ադրբեջանի փոխվարչապետ Շահին Մուստաֆաևը ժամանել է Երևան
Իրանի ռազմաօդային ուժերը կործանիչների ու ԱԹՍ-ների մասնակցությամբ զորավարժություններ են սկսել
Քաղաքականություն
02.11.2020 | 11:04
Իրանի Իսլամական Հանրապետության ռազմաօդային ուժերը պատրաստվում են զորավարժություններ անցկացնել երկրի կենտրոնական՝ Սպահան նահանգում։ «Վելայաթի ֆիդայիններ» ամենամյա օդային զորավարժությունների հիմնական փուլը, որոնք տեղի են ունենում արդեն 9-րդ անգամ, կմեկնարկի Սպահանում երկուշաբթի, հայտարարել է Իրանի ՌՕՈՒ հրամանատար, բրիգադային գեներալ Ազիզ Նասիրզադեն, փոխանցում է Tansim գործակալությունը:
Հրամանատարը տեղեկացրել է, որ երկօրյա զորավարժություններին կմասնակցեն յոթ ստորաբաժանումներ, որոնց կազմում ներառված են կործանիչներ, ռմբակոծիչներ, տրանսպորտային ինքնաթիռներ, բեռնատար ինքնաթիռներ, ռադարային համակարգեր, հետախուզական ինքնաթիռներ, ինչպես նաև անօդաչու թռչող սարքերի լայն տեսականի: Վարժանքներին կմասնակցեն նաև տարբեր տիպի հայրենական անօդաչու թռչող սարքեր, որոնք հագեցած են խելացի հեռահար ռումբերով, մեծ ճշգրտությամբ զինամթերքով և ռադիոլոկացիոն համակարգերով։
Իրանի զինված ուժերը տարվա ընթացքում պարբերաբար զորավարժություններ են անցկացնում: Իրանի պաշտոնատար անձինք բազմիցս ընդգծել են, որ երկիրը պատրաստ է ուժեղացնել իր ռազմական կարողությունները, ներառյալ՝ հրթիռային հզորությունը, որոնք ամբողջովին նախատեսված են պաշտպանության համար, և որ Իրանի պաշտպանական կարողությունները երբեք քննարկումների ենթակա չեն։
Տաթև Ֆռանգյան
