14.08.2026 | 10:50
Էմին Օհանյանը պահպանում է առաջատարի դիրքը շախմատի Մ-20 ԵԱ-ում
Այս տարի Հայաստանում երեխաների նկատմամբ սեռական բռնության դեպքերը նվազել են․ Նելլի Դուրյան (տեսանյութ)
Հասարակություն
29.05.2017 | 12:54
2017թ․ 4 ամիսների ընթացքում, անչափահասների, երեխաների նկատմամբ կատարվել է բռնության 59 դեպք․ այս մասին լրագրողների հետ զրույցում ասաց ՀՀ ոստիկանության քրեական հետախուզության գլխավոր վարչության 3-րդ վարչության պետ, ոստիկանության գնդապետ Նելլի Դուրյանը՝ «Հայաստանում երեխաների իրավունքների պաշտպանություն. վիճակագրություն, խնդիրներ» թեմայով հրավիրված ասուլիսի ժամանակ։
«Դրանք ծեծի դեպքերն են, սեռական անձեռնմխելիության ու սեռական ազատության դեմ ուղղված հանցագործության դեպքերն են»,- մանրամասնեց բանախոսը՝ շեշտելով, որ նախորդ տարվա նույն ժամանակահատվածի նկատմամբ դեպքերը նվազել են 12-ով։
Գնդապետ Դուրյանը ներկայացրեց, որ Հայաստանում երեխաների նկատմամբ սեռական բռնության դեպքերը ևս նվազել են, եթե նախորդ տարի արձանագրվել էր 34 դեպք, ապա այս տարի՝ 24։
Առավել մանրամասն՝ տեսանյութում։
