Քաղաքականություն
29.10.2020 | 13:36
Ֆրանսիացի օրենսդիր Վալերի Բուայեն հայտարարել է, որ Վիենում թուրքերը ցանկացել են հայերի հանդեպ կրկնել 1915 թվականի դեպքերն ու կոչ է արել Ֆրանսիային՝ պատժամիջոցներ կիրառել Թուրքիայի դեմ։ Այս մասին նա գրել է Facebook սոցիալական կայքի իր էջում՝ կից տեսանյութ հրապարակելով։
«Թուրքերը Վիենում հարձակվել են ոստիկանների վրա և ցանկացել բռնություն գործադրել ընդդեմ հայերի, ինչպես 1915 թվականին։ Դեռ ինչքա՞ն Ֆրանսիան չեզոքություն պետք է դրսևորի։ Դեռ ինչքա՞ն պետք է աչք փակենք Թուրքիայի ծավալապաշտական նկրտումների վրա։ Ինչո՞ւ սպասել, այլ ոչ թե պատժամիջոցներ կիրառել ընդդեմ Թուրքիայի»,- գրել է Բուայեն։
Տաթև Ֆռանգյան
