16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Աշխարհը սկսում է պայքարել SARS-CoV-2 կորոնավիրուսի տարածման երկրորդ ալիքի դեմ
Քաղաքականություն
29.10.2020 | 13:44
Աշխարհը պայքարում է SARS-CoV-2 կորոնավիրուսի տարածման երկրորդ ալիքի դեմ։ Համաճարակի մեկնարկից ի վեր վիրուսը հայտնաբերվել է մոլորակի ավելի քան 44․7 միլիոն բնակչի մոտ։ Worldometer-ի տվյալների համաձայն՝ COVID-19 հիվանդության հետևանքով մահացե է 1․7 միլիոն մարդ, առողջացել է 32 միլիոն պացիենտ։
Գերմանիայի կանցլեր Անգել Մերկելը, ելույթ ունենալով Բունդեսթագում, երկրում կորոնավիրուսային հիվանդությամբ պայմանավորված իրավիճակը ողբերգական է անվանել, գրում է DW-ի ռուսական ծառայությունը։
«Այն վերաբերում է մեզ բոլորիս՝ առանց բացառության»,- հայտարարել է Մերկելը՝ ընդգծելով, որ երկրի բազմաթիվ հիվանդանոցներում գրեթե ազատ տեղեր չկան։
Ֆրանսիայում հոկտեմբերի 30-ից մինչև դեկտեմբերի 1-ը կրկնակի լոքդաուն է սահմանվում։ Այս մասին երեկ երեկոյան հեռուստաուղերձի ժամանակ հայտարարել է երկրի նախագահ Էմանուել Մակրոնը։
COVID-19-ի ռեկորդային թվով նոր դեպքեր են գրանցվել Ռուսաստանում։ Մեկ օրում կորոնավիրուսային հիվանդության 17․717 դեպք է հայտնաբերվել, վարակակիրների ընդհանուր թիվը 1․581․693 է։
Չեխիայում մեկ օրում գրանցվել է կորոնավիրուսային հիվանդության 12․977 նոր դեպք, 128 մարդ մահացել է։
Հնդկաստանը հատել է 8 միլիոն վարակակրի շեմը համաճարակի մեկնարկից ի վեր։ Երկրի իշխանությունները հայտնել են վերջին մեկ օրում 49․881 նոր դեպքի մասին։
Հայաստանում հոկտեմբերի 29-ի ժամը 11:00-ի դրությամբ՝ հաստատվել է կորոնավիրուսային հիվանդության ընդհանուր 85․034 դեպք, որոնցից 53․257-ը՝ առողջացած, 1․272-ը՝ մահվան ելքով:
Տաթև Ֆռանգյան
