12.10.2026 | 17:18
Սա ձեր առաջին թեստն է, պարոն Գաբրիելյան, հիմա անցնո՞ւմ եք, թե՞ չեք անցնում․ Աննա Գրիգորյան․ ՏԵՍԱՆՅՈՒԹ
ԱՄՆ-ը չի դիտարկում Թուրքիայի հետ ռուսական S-400-ի գնման խնդրի տեխնիկական լուծման հնարավորությունը
Քաղաքականություն
29.10.2020 | 11:22
ԱՄՆ-ը չի դիտարկում Թուրքիայի կողմից S-400 զենիթահրթիռային համակարգերի ձեռքբերման շուրջ ստեղծված իրավիճակը տեխնիկական միջոցներով կարգավորելու հնարավորությունը, որպեսզի վերացնի Վաշինգտոնի առարկությունները Անկարայի կողմից ռուսական այդ ռազմական տեխնիկայի ձեռքբերման շուրջ: Այս մասին հայտարարել է ԱՄՆ պետքարտուղարի ռազմաքաղաքական հարցերով խորհրդական Քլարք Կուպերը՝ պատասխանելով ՏԱՍՍ-ի հարցին։
«Մենք այդ խոսակցություններն ունեցել ենք»,- հայտարարել է ամերիկյան արտաքին քաղաքական գերատեսչության ներկայացուցիչը՝ մեկնաբանելով թուրքական կողմից խնդիրը տեխնիկական մակարդակով լուծելու կոչերը։
Ըստ Կուպերի՝ հարցի նման ձևակերպումը փաստացիորեն իրավիճակն անցյալ է վերադարձնում։ Անցած տարի Թուրքիան, ինչպես նշել է ամերիկացի դիվանագետը, այս ամենը քննարկել է ԱՄՆ հետ։ «Բայց մենք նրանց հետ կարգավորման չենք հասել»,- ընդգծել է Կուպերը։
«Այս համալիրի գնումը մեզ դրդեց հավաքականորեն դուրս հանել Թուրքիային F-35 ամերիկյան հինգերորդ սերնդի կործանիչ-ռմբակոծիչի արտադրությունից»,- հայտարարել է Կուպերը:
Տաթև Ֆռանգյան
