14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
«ԱՄՆ վարչակազմը պետք է դադարեցնի ռազմական տեխնիկայի հոսքն Ադրբեջան և ադրբեջանական զորքերի առաջխաղացումը դեպի ԼՂ»․ Ջո Բայդեն
Քաղաքականություն
29.10.2020 | 00:32
ԱՄՆ նախագահության դեմոկրատական թեկնածու Ջո Բայդենն իր պաշտոնական կայքում հրապարակված հայտարարությամբ անդրադարձել է Արցախում ստեղծված իրավիճակին:
«Հոկտեմբերի 25-ին պետքարտուղար Պոմպեոյի հայտարարած հրադադարի տապալումից հետո լայնամասշտաբ հումանիտար աղետ է սպասվում Լեռնային Ղարաբաղի ժողովրդին, որն արդեն իսկ շատից շատ վնասեր է կրել և որի անվտանգությունը պաշտպանության կարիք ունի: Մեկամսյա մարտերից հետո արդեն վաղուց ժամանակն է, որ նախագահ Թրամփը Հայաստանի, Ադրբեջանի և Թուրքիայի ղեկավարների հետ անմիջականորեն ներգրավվի իրավիճակի անհապաղ դեէսկալացիայի մեջ և դադարեցնի ադրբեջանական զորքերի առաջխաղացումը դեպի Լեռնային Ղարաբաղ:
Եվ չնայած քարոզարշավների հանրահավաքներում Թրամփը պարծենում է գործարքներ կնքելու իր հմտություններով, նա դեռ պետք է անձամբ ներգրավվի այս պատերազմի դադարեցման մեջ:
Վարչակազմը պետք է ամբողջությամբ կատարի «Ազատության աջակցության ակտի» 907-րդ բաժնի պահանջները, այն է՝ դադարեցնել ռազմական տեխնիկայի հոսքը դեպի Ադրբեջան, և կոչ անել Թուրքիային և Ռուսաստանին դադարեցնել զենքի, Թուրքիայի դեպքում՝ վարձկանների մատակարարմամբ թեժացնել հակամարտությունը։
Եվրոպացի գործընկերների հետ միասին՝ Միացյալ Նահանգները դիվանագիտական ջանքեր պետք է գործադրի՝ վերջ դնելու մարտերը, և միջազգային մարդասիրական օգնություն պահանջի՝ վերջ տալու տառապանքներին։ Իմ կառավարման ներքո դա հենց այն է, ինչ մենք կանենք»,- ասվում է հայտարարությունում։
