20.05.2026 | 20:21
Արմավիրի մարզի մի շարք հասցեներում վթարային ջրանջատում կլինի
Ղարաբաղում շարունակվող մարտերն անհանգստություն են հարուցում․ Պեսկով
Քաղաքականություն
28.10.2020 | 14:27
Լեռնային Ղարաբաղում մարտերը շարունակվում են, չնայած հրադադարի մասին ձեռք բերված պայմանավորվածություններին, և սա անհանգստություն է հարուցում։ Այս մասին այսօր լրագրողներին հայտնել է ՌԴ նախագահի խոսնակ Դմիտրի Պեսկովը, գրում է ՏԱՍՍ-ը։
Նա նաև նշել է, որ տարածաշրջանում կայուն հրադադար չկա։
«Մարտերը, միևնույն է, շարունակվում են, սա ափսոսանք ու անհանգստություն է հարուցում»,- ասել է Կրեմլի ներկայացուցիչը։
Պեսկովը նաև հայտնել է, որ Լեռնային Ղարաբաղում հակամարտության կարգավորման շուրջ բանակցություններին Թուրքիայի մասնակցության հարցը չի քննարկվել երեքշաբթի երեկոյան ՌԴ նախագահ Վլադիմիր Պուտինի ու իր թուրք գործընկեր Ռեջեփ Թայիփ Էրդողանի հեռախոսազրույցի ժամանակ։ Կրեմլի խոսնակը ևս մեկ անգամ հայտնել է, որ միայն հակամարտող կողմերը կարող են համաձայնություն տալ այս կամ այն պետության մասնակցությանը բանակցություններին։
Տաթև Ֆռանգյան
