29.04.2026 | 10:12
Հայտնի է Արման Ծառուկյանի հաջորդ մրցակիցը RAF-ում
Օտարերկրյա ուժերի ներկայությունը ղարաբաղյան հակամարտության գոտում սպառնալիք է տարածաշրջանի համար․ ՌԴ-ում Իրանի դեսպան
Քաղաքականություն
28.10.2020 | 13:40
Ռուսաստանում Իրանի դեսպան Քազեմ Ջալալին հայտարարել է, որ Հայաստանի ու Ադրբեջանի միջև շարունակվող հակամարտությունը լրջորեն ազդում է ամբողջ տարածաշրջանի վրա։ Նա հավելել է, որ հակամարտությունում ցանկացած արտաքին ուժի ներկայություն կարող է սրացնել այն ու վտանգ առաջացնել ամբողջ տարածաշրջանի համար։
«Զվեզդա» հեռուստաալիքին տված հարցազրույցում Քազեմ Ջալալին հիշեցրել է Թեհրանի կողմից ղարաբաղյան հակամարտության կարգավորմանն ուղղված ջանքերի մասին՝ նշելով․ «Հայաստանի ու Ադրբեջանի պաշտոնատար անձանց հետ հեռախոսազրույցների ժամանակ Իրանի նախագահն ու արտգործնախարարը պատրաստակամություն են հայտնել երկու կողմերի միջև միջնորդի դեր ստանձնել»։
Ջալալին նշել է, որ Իրանի սահմանապահ ուժերը հետևում են իրավիճակին՝ հավելելով, որ տարածաշրջանի երկրները պետք է միասին աշխատեն, որպեսզի կարգավորեն ղարաբաղյան հակամարտությունը, իսկ ահաբեկիչները չհիմնավորվեն տարածաշրջանում։
Մոսկվայում Իրանի դեսպանը նաև հայտարարել է, որ զենքի մատակարարման մասին իրանական էմբարգոյի չեղարկումից հետո Իրանի ու Ռուսաստանի միջև ռազմական համագործակցության լավ հեռանկար կա։
Տաթև Ֆռանգյան
