10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Ռազմական դրության ընթացքում որոշ հանցագործությունների համար նախատեսված պատժաչափերը կխստացվեն. ԱԺ-ն առաջին ընթերցմամբ ընդունեց նախագիծը
Քաղաքականություն
27.10.2020 | 19:53
ՀՀ Ազգային ժողովն առաջին ընթերցմամբ ընդունեց Կառավարության կողմից ներկայացված ՀՀ քրեական օրենսգրքում փոփոխություններ կատարելու մասին օրենքի նախագիծը, որով նախատեսվում է ռազմական դրության, պատերազմի կամ մարտական գործողությունների ժամանակ քրեական մի շարք հանցանքների համար սահմանել առավել խիստ պատժաչափեր:
Նախագիծն ԱԺ նիստում ստացավ 71 կողմ ձայն:
Խոսքը, մասնավորապես, վերաբերում է ՀՀ քրեական օրենսգրքի մի քանի հոդվածով նախատեսված արարքներին, որոնք են Ժամկետային զինվորական կամ այլընտրանքային ծառայությունից, վարժական հավաքներից կամ զորահավաքներից խուսափելը, ծառայության վայրն ինքնակամ թողնելը, ազատազրկման ձևով պատիժը կրելուց հետո զինվորական կոմիսարիատ ներկայանալուց խուսափելը, Պատերազմի ժամանակ պարհակներ կատարելուց կամ հարկեր վճարելուց խուսափելը, հրաման չկատարելը, զորամասը կամ ծառայության վայրը ինքնակամ թողնելը, դասալքությունը։
Նախագծի հիմնական զեկուցող, պաշտպանության փոխնախարար Գաբրիել Բալայանը նշեց, որ արդեն կան առաջադրված համապատասխան մեղադրանքներ, կան իրականացված համապատասխան իրավախախտումներ:
«Օրենքով արգելված արարք կատարելու հետ կապված համապատասխան պաշտոնատար անձանց մեղադրանքներ են առաջադրված, և այս պահի դրությամբ գտնում ենք, որ պետք է ավելի հրապարակային, ավելի խիստ պատիժ նախատեսվի, որպեսզի անձինք ձեռնպահ մնան նման արարքներ կատարելուց կամ որոշակի իրադրության պարագայում անգործություն ցուցաբերելուց»,- նշեց նա։
