02.08.2026 | 19:28
Ձևավորվել է իններորդ գումարման ԱԺ հաշվիչ հանձնախումբը․ ո՞վ կնախագահի այն
ԱՄՆ պետքարտուղարը հեռախոսազրույցներ է ունեցել Փաշինյանի և Ալիևի հետ
Քաղաքականություն
27.10.2020 | 18:25
ԱՄՆ պետքարտուղար Մայք Պոմպեոն Հայաստանի վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հետ հեռախոսազրույցի ժամանակ քննարկել է Լեռնային Ղարաբաղում տիրող իրավիճակն ու կոչ է արել կողմերին հետևել հրադադարի ռեժիմին։ Այս մասին այսօր հայտարարել է ԱՄՆ պետքարտուղարության պաշտոնական ներկայացուցիչ Մորգան Օրտագուսը, գրում է ՌԻԱ Նովոստին։
«Պետքարտուղար Մայք Պոմպեոն առանձին խոսել է Հայաստանի վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հետ»,- ասվում է հայտարարության մեջ։
Պետքարտուղար Պոմպեոն առաջնորդների հետ զրույցում պնդել է՝ հավատարիմ մնալ ռազմական գործողությունները դադարեցնելու և ԵԱՀԿ Մինսկի խմբի համանախագահության ներքո դիվանագիտական լուծում գտնելու իրենց հանձնառություններին և ընդգծել, որ այս հակամարտությունը ռազմական լուծում չունի:
Տաթև Ֆռանգյան
