12.01.2025 | 14:16
Առաջիկա օրերին օդի ջերմաստիճանն էապես չի փոխվի
Տավուշում տեղի ունեցած դեպքի առթիվ քրգործ չի հարուցվել. Վլադիմիր Վարդանյանը՝ Արկադի Խաչատրյանին. ՏԵՍԱՆՅՈՒԹ
Քաղաքականություն
27.10.2020 | 12:11
Տավուշի մարզում զինծառայողների կողմից կտրված ծառերի համար քրեական գործ հարուցելու վերաբերյալ տեղեկատվությունը չի համապատասխանում իրականությանը։ Այս մասին այսօր ԱԺ նիստում հայտարարեց ԱԺ «Իմ քայլը» խմբակցության պատգամավոր Վլադիմիր Վարդանյանը։
«Ես րոպեներ առաջ խոսել եմ Քննչական կոմիտեի նախագահի հետ և կարող եմ հստակ ասել հետևյալը․ նյութերն ուսումնասիրվել են և քրեական գործի հարուցումը մերժվել է։ Նման դեպք մենք չունենք։ Հաշվի առնելով համագործակցության մեր լավ ավանդույթները, խնդրում եմ, ցանկացած նման հարցի առկայության պարագայում ապատեղեկատվություններից խուսափելու համար պարզապես դիմեք ինձ, ես փորձեմ պատասխանել բոլոր այն հարցերին, որոնք վերաբերում են պետաիրավական բլոկին»,- նշեց պատգամավորը։
Հիշեցնենք, որ այսօր Ազգային ժողովի նիստում «Լուսավոր Հայաստան» խմբակցության պատգամավոր Արկադի Խաչատրյանը հայտարարեց, որ օրեր առաջ Ճամբարակում ցուրտ եղանակի պատճառով վաշտի հրամանատարը հանձնարարել է ցախ բերել, զինվորները գնացել են Տավուշի մարզի անտառներ, ամենայն հավանականությամբ ծառ են կտրել, անտառային տնտեսությունը նկատել է, արձանագրել է, ինչի հիման վրա հարուցվել է քրեական գործ։
Մանրամասները՝ տեսանյութում։
